Peri sa testimonia de s'Angius/Casalis de s'Otoghentos allegat a gasi. Oe in die (comente in s'antigu) a chie no at pòtzidu iscurtare sa missa (betzos o malàidos), ddi faghent sa parte e si dda leant a domo. A sa essida dae sa missa cumentzaiant is ballos chi duraiant pro totu su merie, a soneto e a bìsonas. Sa domìniga s'istàtua nde dda torraiant a batire a bidda, e is festas segudaiant finas a s'àtera domìniga (sa dì de otava), cando dividiant is turtas in bidda. Sa festa in s'antigu dda faghiant a mesu cun is de Seui, ca issos pigaiant a trenu e nde lompiant. Teniant peri terrenos in cue, e narant ca su nòmene de su Cramu si dd'aiant postu issos. In su 1919 peroe, bi fiat istadu trèulu e peri una morte de unu seuesu. E dae tando is seuesos faghent sa festa de Nostra Sennora de su Cramu in su de issos.