Custu est su nòmene de sa festa intregada a sa Madonna o Nostra Sennora de su Cramu (Beata Vergine del Monte Carmelo) chi si faghet onni annu cumentzende dae su de tres sàbadu de mese de argiolas. Est sa festa prus importante de sa bidda de Elini. Acodint dae medas biddas de presu pro pigare parte a sa festa, chi si faghet in su monte de su Cramu, in pitzu de Elini, in ue b'est sa crèsia intregada a Nostra Sennora. Dae sa die de sàbadu is fideles movent a s'arbescidòrgiu dae sa crèsia de sa bidda, essende·nche punta a susu giughende s'istàtua de Nostra Sennora e sa de Santu Maru. Sa protzessione cumentzat a sonu de coetes (coetos). Sa protzessione traessat is caminos de sa bidda, cantende su rosàriu in sardu is fèminas. Su corteu tenet s'acumpangiamentu de is bìsonas (o launeddas). Lòmpidos a cabu de su costale in ue s'agatat sa crèsia, narant sa missa e is fideles ddos acollint in sa lolla, in ue ddos cùmbidant is obbreris. In antis su cùmbidu fiat unu bucone de petza orrustida, unu pìgiu de pistocu, una cullera de mele, e a su pìscamu (munsennore) cumbidaiant su brodu.