In custa pàgina bi sunt sos documentos chi amus iscritu pro informare sa citadinàntzia (Elinesu: sa popolassione) in pitzu de sas chistiones de sa limba sarda.

S'istòria, sos singiales linguìsticos, sa legislatzione, sas capatzidades, sa grafia e dònnia àtera chistione de importu dd'amus leada in resonu, peri prentzende•ddu su materiale pro dd'agatarent in sa domo comunale.

Nois sardos semus galu pagu inditados in contu de temas linguìsticos, e peri chi bi s'atzapant pagos faeddos, donniunu de nois diat dèpere de ischire custas cosas de fundaghe.

In medas de custos documentos amus impreadu finas sa limba sarda in sa bariedade locale (nessi in sa sìntesi chi nd'amus fatu nois, ca non esistit “s'elinesu” standardisadu, ma s'impare de allegas de sos chi nche bivent), iscrita semper in su ghetu de amostrare sa grafia comuna, atzunghende•ddi petzi una lìtera, sa “x” pro faeddos comente “dexe”, “boxe”, “fixu”, peri chi pro su matessi sonu amus impreadu peri sa mesu-vocale "j", ca medas bias sa pronùntzia (in sos betzos e in chie dd'allegat mègius) tirat prus a cussu sonu. Custa noda pro s'iscritura est bona pro amostrare comente non faghet a bi tènnere una grafia pro cada bidda, ma petzi una ufitzialisada a livellu artu, chi amostret sa rapresentatzione de fundamenta de totu su sardu.

Locandina chi amus ispainadu in bidda pro sinnalare s'atopu de presentada de s'ULS in bidda

Lìtera in ue b'est sa relata in contu de s'atopu de presentada de s'ULS in bidda

Locandina de su cursu de formatzione pro is dipendentes comunales e pro sa citadinàntzia chi amus contivigiadu e arguidu in sa domo comunale.

Mollu pro pedire informatziones a s'Ufìtziu Limba Sarda de Elini

Dèpliant in ue amus acabidadu is informatziones prus de importu in contu de iscritura e istòria de su sardu, pro sa citadinàntzia - fògiu A

Dèpliant in ue amus acabidadu is informatziones prus de importu in contu de iscritura e istòria de su sardu, pro sa citadinàntzia - fògiu B

Mantighedda de unu imbòligu aprontadu pro donare informatziones a is butegheris

Fògiu 1 de unu imbòligu aprontadu pro donare informatziones a is butegheris

Fògiu 2 de unu imbòligu aprontadu pro donare informatziones a is butegheris

Dae cogos a ghias. Artìculu pubblicadu in su giassu-web sotziulimba.net

Dèpliant de informatziones in contu de s'Ufìtziu de sa Limba Sarda de Elini

Pitzigosu pro is atividades de imprentare